p3-nagorearozena

2009/2010 IKASTURTEA. DOSSIERRA

2009-10-30T04:14:00.000-07:00

Hasi da 09/10 ikasturtea eta honekin batera proiektu berriak. Lehenengo entrega karreran zehar egindako proiektu interesgarrienak hartzen dituen Dossierra izan da.

INGURUAREN 3Da

2009-06-02T09:55:00.000-07:00

Ez dakit entregako orrietan ondo ikusiko diren 3D-ak eta horregatik batzuk igotzen ditut handiago ikusteko.

UDALETXEA_ENTREGA FINALA

2009-06-02T09:04:00.000-07:00

Sekzio konstruktiboan ikusten da nere eraikina nola eraikita dagoen. Pena da horrenbeste lan egin eta gero jpg-an ez garbi ikustea detaileak.
Losa prefabrikatuak erabili ditut eraikin guztian. Forjatuak irregularki zulatu nahi nituenez altuera desberdinetako guneak sortzeko, sistema hau iruditu zait egokiena hori lortzeko.
Gaineko pieza eusteko ez nuen zutabe askori erabili nahi, eta ondorioz, zertxa handi batez egituratzea erabaki dut, horrela zutabeen presentzia gutxituz.
Itxiturari dagokionez, pieza solidoak eta arinak errespresentatzea izan da nire helburua. Solidoen itxitura kolore grisezko trespa panelez egin dut eta arinarena, zertxarena, beiraz.

Ingurua lantzerakoan, gune publiko desberdinak sortzea izan da nire helburua. Horretarako udaletxea metro 1 igo dut herriarekiko, honela udaletxe aurreko plazak garrantzia izan dezan gainontzeko guneekiko. Merkatuaren plazan altuera desberdineko 2 estalki zertxatu jarri ditut, merkatua ez dagoenean ere aterpe modura funtzionatu dezaten.
Aparkalekuen sarrerak gune publikoa ez apurtzea izan da beste helburuetako bat. Lortu dudala uste dut, ertz batean geratu baizait ezkutuan.

Lehenengo solairuan udaletxeari lotura bat egin diot pasarela batez zezen plazarekin. Honela, alkateak, nahi izanez gero, bere bulegotik zuzenean joan daiteke zezen plazara kaletik pasatu gabe. Pasarelaren barandila ere forma hirukiarrekoa (zertxatua) egin dut, gainontzeko udaletxeko barandilekin eta eraikineko pieza zertxatuarekin lotura edukitzeko.

UDALETXEA_AURREENTREGA

2009-04-04T05:33:00.000-07:00

Egitura altzairuzko portiko ortogonalez osatua. Gaineko pieza desberdina, bi zertxez osatua egongo da.
Eraikina zezen plazarekin lotu dut pasarela zertxatu baten bidez. Alkatea udaletxetik zuzenean zezen plazara joateko jarri dut. Zertxa honek erlazioa edukiko du udaletxeare pieza zertxatuarekin.
Lau nukleo jarri ditut eskailerak, igogailuak eta komunak batuz. Nukleo hauek solairuero errepikatzen dira instalazio aldetik arazorik ez edukitzeko. Honek ordea arazo bat dakarkit: solairu guztien berdintasuna. Berdintasun hori apurtzeko beharra ikusten diot proiektuari, bi altuerako guneak sartu, jarraitasun bertikala,... Inork ideiarik izango balu berdintasun hau apurtzeko nere blogeko komentarioetan idatzi eta gustura irakurriko dut.

Itxitura: azpiko piezak eta dorreak trespa panelezko itxitura edukiko dute. gaineko piezak zertxa egitura izango du eta tartean beirazko itxitura (tabernak ere beirazko itxitura edukiko du inguruko bistak ikusteko). Pisua eta arinaren arteko erlazioa.

Lehenengo zirriborroak. Ideia: beste bi piezetan apoiatuta joango den beste pieza zertxatu bat. Bi plazak banaketa egingo du, baina piezaren azpitik plazak lotuta joango dira.

5. MINIPROIEKTUA_PLATAFORMA

2009-04-04T05:26:00.001-07:00

Plataforma proiektatzerakoan egiturari eman diogu garrantzia, hau da, egiturak eman dio forma proiektuari.
Egitura hiruki forman oinarritu dugu (egonkortasuna). Eskailerak autoportanteak dira, hiruki zurrunak, ondorioz ez dute zutabe beharrik.
Materialei dagokienez altzairua (egitura arina) eta zura (zoladura eta itxitura, zahartzean kolore interesgarria) erabili ditugu.

ZUHAITZ URBANOA

2009-03-12T10:10:00.000-07:00

Funtzio anitz dituen zuhaitz urbanoa proposatu dut, gaur egungo beharrei erantzuna ematen diona (wifi, informazio pantailak,...). Santoña herrian kokatu dut, gure proiektu handia proiektatu behar dugun lekuan. Gune egokia iruditu zait jende ugari ibiltzen delako bertatik paseatzen eta ikuspegi zoragarriak dituelako zuhaitzean eserita begira egoteko.

ANALISIA ETA PROPOSAMENA

2009-03-05T01:43:00.001-08:00

Lehenengo Santoña herriaren analisia egin dut, herriko kale garrantzitsuenak zein diren eta herriak nola funtzionatzen duen jakiteko.

Analisi horretatik ondorioztatu dut proiektatu beharreko bi gune publikoen kokapena.
Eraikinari dagokionez, forma eta bolumen egokiak iruditu zaizkit hauek, 3 aldetara begira baitago nire eraikina.

GURE TALDEAREN PROPOSAMENA

2009-02-27T07:21:00.000-08:00

Taldekook kurtso erdira arte eginiko ahaleginen eta ateratako izerdien emaitza da honako hau. Ez zaigu erreza egin eraikin guztien eta gune publikoen montajea, bakoitzak oso estilo desberdina baitugu proiektatzerako orduan. Hala ere, ez dut uste emaitza oso txarra lortu dugunik.

ERRESIDENTZIAK GARATUAGO

2009-01-19T03:56:00.000-08:00

Aurreko entregatik hona gauza gehiago zehaztu ditut, nola eraikiak dauden eraikinak eta erabilitako materialak besteak beste. Ingurua nolakoa izango den ere deskribatu dut. Hauen azalpena jpg-etan dago.

ITSASO-UNIBERTSITATEA ETA INTERPRETAZIO GUNEA /GUNE ERRESIDENTZIALA

2009-01-08T03:21:00.000-08:00

Modulazioa: 5x5eko karratuak (irakasle residenteen egoitzetan 7,5x10ekoak)
Ideia: moduloak erabiliz konposizio desberdinak sortzea
Proiektua egin beharreko orubea naturaz inguratua dagoenez (hondartza eta marismak), natura nere proiektuan integratzea pentsatu dut. Honela, gune residentea egoteko, atseden hartzeko eta paseatzeko leku egoki izan daitekeela iruditzen zait.

3. MINIPROIEKTUA

2008-12-18T01:37:00.000-08:00

DIN A5aren aurrealdea: begiralekura igotzeko eskaloi batzuk jarri ditut, bertan eserita egoteko ere balioko luketenak. Zuloa isteko zurezko listoiak erabili ditut eta leihoa isteko beira.

DIN A5aren atzealdea: presoek begiralekutik ikusi ahal izango luketen bista.

Erabilitako materialak: lehen esan bezala zurezko listoiak erabili ditut eta leihoa isteko beira.

2. MINIPROIEKTUA

2008-12-11T06:33:00.000-08:00

Egitura egiteko zertxak erabili ditut altuera desberdinetan jarrita. Zertxa hauek eusteko hormigoizko 2 zutabe handi jarri ditut erdian (estalkipeko 2 guneen banaketa egiten dute), baina bakoitzak barrez osatutako zutabe bat ere edukiko du. Bada ez bada tiranteak jarri dizkiot zertxa bakoitzari dena egonkortu eta eusteko.

Estalkia egiteko beira gardenak eta opakoak tartekatu ditut gune eguzkitsuak eta itzalak sortzeko estalkiaren azpian bakoitzaren gustura.

Forma organikodun piezak erabili ditut jendearentzat egoteko guneak sortzeko eta estalkipeko guneak banatzeko. Hamakak ere zintzilikatu ditut zertxetatik.

Bi gune banatu ditut: hondartzan dagoena eta dunetan dagoena. Duna aldeko gunean forma organikodun pareta bat jarri dut jendeak arropa aldatzeko ibili dezan. Gantxo batzuk ere zintzilikatu ditut zertxetatik bertan hondartzara etortzeko erabilitako bizikletak uzteko.

2. PRAKTIKA TXIKIA

2008-11-29T05:54:00.000-08:00

Zertxak altuera desberdinetan erabiliz, malda desberdinak dituen estalkia egitea pentsatu dut. Zertxak erdiko 2 zutabe nagusietan helduko dira nagusienik, baina zutabe txikiago bat edukiko dute bukaera aldean. Egonkortzeko tirante batzuk ere jarriko dizkiot.

Nere asmoa zertxa hoietatik amakak eta eserlekuak zintzilikatzea izango da, baita gauzak uzteko pertxak ere (bizikletak,...). Zutabe nagusiek jolasteko edo egoteko ere balioko dute.

Nere estalkiaren zati handiena hondartzan egongo da, baina zati txiki batek dunak estaliko ditu. Zati horretan egongo da gauzak uzteko lekua

Estalkia beirazkoa izango da. Kolore desberdinak izango ditu, batzuk opakoak izango dira, besteak irekiak. Oraindik pentsatu beharra daukat nola antolatuko ditudan.

PRAKTIKA TXIKIA_BEGIRALEKUA

2008-11-06T05:57:00.000-08:00

Berria hondartzan egin beharreko begiralekurako erratzak erabili ditut. Behe oinari itxitura jarri diot erratzen muturrak erabiliz eta gune hau biltegirako erabiliko dut.
Lehenengo solairuko harrera ez dut erabat itxi (hemengo itxitura egiteko erratzen kirtenak erabili ditut elkarrekin bertikalean lotuta). Harrera honetatik goitik ikusiko diren bisten aurrerakina edukiko dugu.
Bigarren solairuan proiekzio gela egongo da. Gela hau erabat itxi dut (erratzen kirtenak erabiliz hau ere), baina buelta guztian leiho mehe bertikal batzuk edukiko ditu. Leiho hauek itxita egotean proiekzioak ikusiko dira eta irekita egotean leihoetatik ingurua ikusiko da 360ºtan proiekzioan bezala.
Azken solairuan begiralekua egongo da.
Gora igotzeko metalezko eskailera espiral bat jarri dut, gora igotzen zoazen neurrian inguru guztia ikusteko. Behera jeisteko (ausartzen denarentzat) tubo bat jarri dut jeitsiera azkarragoa eta dibertigarriagoa izan dadin.

BEGIRALEKUA PROIEKTATZEN

2008-10-31T05:53:00.000-07:00

Begiralekura igotzen zoazen bitartean Berria hondartzako bista ikusi dezakezu 360ºtan eskailera espiralaren ondorioz.
Erratzen muturrak beheko solairuaren itxitura egiteko erabiliko ditut eta 1. eta 2. solairutako itxiturak egiteko kirtenak.
Goitik behera azkar jetxi nahi izanez gero (eta ausartuz gero), erratzen kirtenez egindako tutu bat jarri dut.

Solairu bakoitzaren planta.
Proiekzio gelan leihoak itxita daudenean proiekzioak emango dira solairuaren horma guztietan (360º). Leihoak irekita daudenean, berriz, kanpoko argiak barruko hormak ilundu egingo ditu eta leihoetatik ikusitakoak emango du proiekzioa (errealitatea eta fikzioaren erlazioa).

ERRATZEZ EGINIKO BEGIRALEKUA

2008-10-18T06:22:00.000-07:00

Azkenean, praktika txikirako erratzak erabiltzea pentsatu dut. Lehenengo bambua erabiltzea pentsatu nuen, baina irakaslearekin hitzegin ondoren, erratzak erabiltzea pentsatu dut. Nere ustez erratzen zurtoinekin bambuekin egin nahi nuen gauza bera egin dezaket.

Erratzak bi zatitan zatituko ditut: burua eta zurtoina. Zurtoinak itxitura egiteko erabiliko ditut eta buruak estalkia egiteko.

Hainbat erratza motekin konposizio interesgarria lortu daitekeela pentsatzen dut.

Erratzen makilak eta buruak koloretakoak izan daitezke eta tamaina desberdinetakoak. Horrek itxitura egiterako orduan jolasteko aukera ematen du.

2008-10-15T13:31:00.001-07:00

Banbuz eginiko etxe bat

2008-10-15T13:27:00.000-07:00

2008-10-15T13:19:00.000-07:00

Banbu-a aintzin arotik erabiltzen den materialetako bat da. Gaur egun plastikoaren eta altzairuaren mundua izanagatik ere, banbuak garrantzia izaten jarraitzen du

Santoñara bidaia

2008-10-06T08:54:00.000-07:00

Leku ezberdinetatik ateratako gure lan eremuko hainbat argazki.